hoi zäme
gits da usse irgendöpper wo mir helfe chan??
heissts "di guet alt frau" oder "di gueti alti frau"???
ich bin ebe di ganz ziit mit e paarne am umestriite was richtig isch :D
liäbi grüässli us züri
hm i ha irgendwie s gfühl dass ''guet alt frau'' typisch züridütsch isch und süsch eso fasch niene gseit wird. aber isch definitiv beides richtig. würd mes vrmische, jä denn würds scho langsam blöd töne :)
also vo mir us töt au di gueti alti frau besser.. aber schwiizerdütsch hät ja e kei regle.. säg was d wotsch.. es richtig lat sich wohl chum definiere.. aber ich känn die diskussione under kollegine...
no en schöne
Hmm, i waiss i verwirr di jetzt äs bitzeli, aber i seg di guet alt Frau:-) aber äbe, im ch-dütsch gits jo ,wie scho gsait,nöd so würkli d'regle! vo dialekt zu dialekt wieder verschiede, drum ischs jo au so interessant!
liebs grüässli
Ich würd erlich xeit eher di guet alt Frau sägä. Ir sind zwar all anderä meinig aber für mich tönt das normaler. Aber ebä wiä xeit im schwizerdütsch gits kä Reglä!!
Liäbi Grüäss!
=)
also wenni min senf no däzuä gä dörf: i würd wie d'Mirjam di guet alt frau säge:-) aber äbe git jo eh kai Regle! mirjam woher chunnsch denn du? wenn mer us dä gliche region chämtet, wärs erklärbar, worum mir beidi das so säget:-) i chume uf jede fall us dä oschtschwiiz! grüässli a alli!
