Aloha mai kākou e nā hoa o ka 'ōlelo Hawai'i,
I nehinei, ua puka mai kēia mana'o a he mea ko'iko'i paha i ko'u mana'o ke ho'olaha 'ia a'e ma 'ane'i nei!
Inā e ho'ohana ana kākou i kekahi puke wehewehe 'ōlelo e like me ka puke wehewehe 'ōlelo Hawai'i a laila, e pono nō kākou e huli i ka 'ao'ao Hawai'i ma hope o ka huli 'ana i ka 'ao'ao Pelekānia o pilikia nō ia no kākou. Eia mai nō he la'ana... ''ke huli a'e kākou i ka hua'ōlelo 'o ''blue'' ma loko ka 'ao'ao Pelekānia a laila, e loa'a paha iā kākou nā hua'ōlelo 'o polū, uliuli a pēlā aku. Akā na'e, e maka'ala... inā 'a'ole kākou huli ma ka 'ao'ao Hawai'i, e loa'a 'ole mai iā kākou nā mana'o 'ē a'e no ka hua'ōlelo ''uliuli'' 'o ia paha ka mana'o 'o ''green'', ''brown''... A eia he la'ana 'ē a'e... ke huli kākou i ka hua'ōlelo 'o ''helpless'' ma ka 'ao'ao Pelekānia e loa'a ai iā kākou ka mana'o 'o ''nāwaliwali'' a pēlā wale aku nō. Aia nō kākou a huli 'ole i ka 'ao'ao Hawai'i, hiki nō paha ke lilo ia i pilikia no kākou. No ka mea, 'a'ole kākou i kaunānā i ka mana'o o ''weak'' a 'o ia paha ka mana'o nui o ka 'ōlelo. Pēlā pū me ka hapa nui o nā hua'ōlelo i palapala 'ia ma ka puke wehewehe holo'oko'a. No laila, mai poina i ka huli 'ana ma loko o ka 'ao'ao Hawai'i i nā manawa a pau, ke 'olu'olu!
Lana ka mana'o he kōkua ia a e maopopo le'a iā kākou a pau i nā mana'o nani loa he nui ma loko o ka 'ōlelo Hawai'i...
mahalo nui... k
