Werde bei einem Krippenspiel ein Hirte sein, der Schwizerdütsch sprechen soll. Wer kann mir folgende Sätze übersetzen?
- Zu Hause gibt es immer Ärger, weil ich nachts nicht heimkomme.
- Ja, es herrschen dunkle Zeiten für uns Hirten. Himmel und Hölle machen uns das Leben schwer. Ja, ich fürchte, Gott hat uns völlig im Stich gelassen.
- Verachten tun uns die Leute. "Kein festes Einkommen!" sagen sie.
- Das sagst gerade Du, mit deinen knorrigen Händen.
- Steht auf! Nein werft Euch nieder!
- Er ist wunderschön!
- Ich habe Angst!
- Was hab ich mich erschreckt! Was war denn das?
- Hier draußen auf dem dunklen Feld?
- Von einem Kind hat er geredet. "Der Heiland ist heute geboren" hat er gesagt.
- Du meinst, ein richtiger Star?
- Du meinst, den Status quo hinterfragen?
- Auf Erfolge setzen?
- Und bevor wir gehen, baden wir euch Schafe. Dann wird das Kind nicht mit euren Parasiten angesteckt.
- Ich kann es gar nicht glauben, aber es ist wirklich wahr.
Ist ein bisschen viel Text, brauch daher besonders Hilfe! Danke im Voraus!
- deheime gits immer krach, wiu ig ir nacht nid hei chume.
- Jo es hersche dunkli zite für üs hirte. Himu und Höu mache üs s'läbe schwär. Jo, ich fürchte, gott het üs völlig im stich glo.
- Verachte tüe us d'lüt. "Keis feschts ikomme" säge si.
- Das seisch grad du, mit dine chnorrige häng.
- Stöt uf! Nei leget nech a bode!
- Es isch wunderschön!
- Ig ha angscht!
- Was heit dir mi erschreckt! Was isch das gsi?
- Hie usse uf em dunkle fäud?
- Vomene ching het er gret. "Der Heiland isch hüt gebore" het er gseit.
- Du meinsch, e richtige Star?
- Du meinsch der Status quo hingerfroge?
- Uf Erfouge setze?
- Und bevor mer gö, bademer euch Schof. De wird das Ching nid mit eune Parasite agsteckt.
- Ig chas gar nid gloube, aber es isch würklech wor.
- Dehei gits immer Ärger, weil ich i de Nacht nöd hei chum.
- Ja, es hersched dunkli Ziit für üs Hirte. Himmel und Höll mached üs s'Lebe schwer. Ja, ich fürchtä, Gott het üs völlig im Stich loh. (Ziit hat zwei i, weil es lange gesprochen wird)
- Verachte tüend üs d'Lüüt. "Kei fests Iikomme!" sägeds.
- Das seisch gad du, mit dine knorrige Händ
- Stönd uf! Nei legged eu uf de Bode!
- Er isch wunderschön.
- Ich han Angst.
- Ich bin so verschrocke. Was isch den das gsi?
- Do duse ufem dunkle Feld?
- Vomene Chind heter gredet. "Dä Heiland isch hüt gebore" heter gseit.
- Du meinsch, en richtige Star?
- Du meinsch, de Status quo hinterfroge?
- Uf Erfolg setze? (ist auch Mehrzahl)
- Und bevor mir gönd, baded mir eu Schof. Den wird s'Chind nöd mit eune Parasite agsteckt.
- Ich chans gar nöd glaube, aber es isch würkli wohr.
- Dehei gits immer Krach wiill i Nachts nie heichumme.
- Ja, es herrsche dunkli Zyte für üs Hirte. Himmu u Hölli machet üs ds Läbe schwär. Ja, i dänke, Gott het üs völlig im Stich glaa.
- Verachte tüe üs d Lüüt. "Kes feschts Iikomme" säget si.
- Das seisch grad Du, mit Dine knorrige Händ.
- Stannet uf! Nei, kiet Öich abe!
- Är isch wunderschön!
- I han Angscht.
- Was han i mi verschreckt. Was isch das gsii?
- Hier dusse ufum dunkle Fäud?
- Vomene Kind het är gredt. "De Heiland isch hüt gebore" hetter gseit.
- Du minsch en richtige Star?
- Du minsch, de Status quo hinterfrage?
- Uf Erfouge sätze?
- U bevor dassmer gange, tüemer Euch Schafe bade. De wirds ds Kind nit mit öine Parasite agsteckt.
- I chas chumm gloube, aber es isch würkli wahr!
