Was isch au los das bi üs in letscherzit luter so schlimmi sacha passieren? Langsam wirds mega strub... Isch doch farukt. Mindestens 6 Lüt sin tot häts gheissa. :o( i bin an dem obig no an dem tunnel verbi gfahra welli ihm tessin gsie bin. hät schu zimli unheimlich usgseht mit all dena führwehrauto und krankawäga und polizei und so...
jo, hans ghört! mittlerwile sinds jo 9 toti! isch mega schlimm und trurig!
ich kenne das Tunnel guät, mier fahret au immer döt düre, wenn mer id ferie gönd...
jo isch mega krass... i bin woni im tessin gschafft han, und au nocher woni dr fründ im tessin kha han jeda fritig und jeda mäntig (nocher sunntig) döt duragfahra... :S schu komischs gfühl, gel?! vorallem bini an dem morga, d.h. öpa 2 stund bevor dr unfall passiart isch mitem poschti durchs tunnell...
bi üs z'dütschland hani's au im tv gse mit em tunnell. findi au ganz schlimm. es problem mit vieli vo deni tunnells isch äbe, dass die teilwis total veraltet sind - grad wann's zwispurig mit gageverkehr sind aber au mit notusgang, plätz für nothalt, füürmeldesyschteme und so wiiter. s'git au immer mol so tunnell-tests vo autoclubs und da chunnt mer fascht immer zu dem schluss, dass nüünzg prozant oder so mängel händ. sicher cha mer nöt vo hüt uf moro e zwiite röhri buue, aber so paar pünkt chönnt mer scho mit chli gringere ufwand verbessere. öb's i dem fall gholfe hätte, isch au nöt gsait.
in dr tagesschau häns eina vu dena tunnelmenscha ;o) gfrogt obs den am tunnel glega hät und dä hät gseit das sie noch dem zügs im gotthard (glaubi mol) praktisch alli tunnel testet hän, au das, und as hege eigentli kei mängel kha. döta a zweiti röhra macha wäri worschinli eh schwer worda. aber jonu, ez isches z spot... ez könns wider an allna tunnel afo umabaua und so...
