In Ostschweizerdialekt...
1. Fründschaft verzauberät. Si macht guäti Zyte no besser und lot üs di schlächte vergässä.
2. D'Fründschaft isch ä Kunscht vo dä Dischtanz, so wi dLiebi ä Kunscht vo dä Nöchi isch.
3. än Fründ stellt sich dir niä in Weg, ussert wenns bergab goht.
4. än wohre Fründ trait meh zu üsäm Glück bi, als tusig Fiind zu üsem Unglück.
5.Fründe sind Engel, wo üs wieder uf dBai helfäd, wenn üsi Flügel vergässä hend, wie mer flügt.
6.Fründschaft isch dBlüäte vomänä Augeblick und dfrucht vo dä Zyt.
7.) Fründschaft isch wiä ä Komposition us allnä Farbä vo dä Natur, wo diä verschiedene Gfühl darstellet und sich a beschtimmte Pünkt konfus inenand vermischet. während si a andere dütlich erkennbar sind.
8) Dä sicher fründ erkennt mer, i unsicherer Lag.
9) Wohri Fründschaft bestoht inäre Einheit vo dä Seelä, wos numä seltä uf däre Welt git.
10) Dliebi sait mol zur Fründschaft:" Worum gits di eigentli, wenns jo mich git?" Dodruf sait dFründschaft:"I cha überall döthi äs Lächle zauberä, wo du Träne bringsch."
11) Wär sich inerä innigä Fründschaft verbundä fühlt, cha sich im fraie Fall id Tüüfi stürze, mit dä guäte Gwüssheit vonäre sanftä Landig.
12) D'liebi chunnt wie Wettärblitze, dFründschaft chunnt wie dämmerends Mondliächt.D'Liebi will erwärbe und bsitze, dFründschaft opferät, doch forderät nöd.
13) än Fründ isch öppert, wo dini vergangehait verstoht, a dini Zuäkunft glaubt und di hüt so nimmt, wi du bisch.
14) Vo allne Gschenk, wo üs s'Schicksal git, git's kai grössers Guät, als d'Fründschaft - kain grössere Riichtum, kai grösseri Freud.
15) Wa isch än Fründ? ä einzigi Seel, wo i zwai körper wohnt.
16) Ein wahrer Freund trägt mehr zu unserem Glücke bei als tausend Feinde zu unserem Unglück. siehe nr. 4
17) Dä bescht Schpiegel, wo mer bsitze chan, isch än Fründ.
18) Mir chönnd nöd dä exakt Moment nenne, wo dFründschaft entstoht. Wiä än chruäg, wo Tropfä um tropfä gfüllt wird, bis än letschte tropfä ihn zum überlaufe bringt, so gits binäre Fründschaft huufä vo Fründlichkeite, bis zu däne wos Herz zum überlaufe bringet.
19) Fründschaft isch äs gschenk vo dä Götter und di koschtbarschti Gob für dä Mensch
20) I glaube, äs git än Fade, vo dfründschaft verbindet und si am läbe haltet und dwort überflüssig macht. Jedä waiss, wa dä ander über ihn waiss, i guäte und schlächte zyte.
21) Fründschaft brucht gwüssi Lebesparallelelä und ä Gmeinsamkeit vo dä gedankä.
22) Jedä Fründ repräsentiert ä welt i üs, ä welt, wo viilicht erscht zum läbe erwacht, wenn dä ander chunnt. Numä dur diä Begegnig wird diä neui welt gebore.
23) Kai Fründschaft krüüzt üse Lebesweg, ohni druf einigi spuure für immer zhinterloh.
24) Fründschaft verdoppelt üseri Freud und halbiert üsen Schmärz.
Uf, ich habs geschafft. Sind sehr schöne Sprüche:-)
Aber mein Lieblingsspruch ist nicht dabei;-)
än fründ isch öppert vo dmelodie vo dim Härz kennt, und si dir vorspielt, wenn du si vergässe hesch.
So, wünsche noch ganz schöne Feiertage!
liäbe Gruäss
